Nik platerak ur berotan eta zuk kobreak eta letoiak distirarazi

Tamalez, gauza gutxi dira denboraren poderioz aldatzen ez direnak, eta horietako bat etxeko zereginak nork egiten dutenak da; etxeko intimitateari begirada bat besterik ez zaio eman behar horretaz konturatzeko, hau da, emakumeen ardura dela gizonezko askoren ustez.

Gizonek “laguntzen” dutela esanda ere, oso gutxi dira etxeko lanak aritzen direnak. Bestaldetik, esan beharrik ez dago “laguntzen” hitzak asaldatu ez ezik, sutan ere bai jartzen nauela. Hasteko, lagundu hitzak esan nahi duena da, hain zuzen ere, norbaitek gure laguntza behar izanez gero, emango geniokela. Lagundu?, baina, ez gara zu eta biok etxe beran bizi?, beraz bion artean egin beharko ditugu gauzak, ezta? Hona hemen, nire ustean, arazo honen klabea: etxeko zereginak emakumeen ardura dela gizonezko askoren iritsiz.

Orduan, neure buruari galdetzen diot zer gertatu ote den horrelako pentsamenduak izateko. Eta kaleetan, azalpen bakarra entzuten dudana da guk, emakumeok, erru osoa daukagula, umek etxean ezer ez egiteko hezten baitugula; horrekin ezin dut ados egotea, egia ez delakoan bainago.

Alde batetik iruditzen zaidana da, baieztapena horrek jarrera oso matxista ezkutatzen duela. Beste aldetik, okerrenean, horrelako izan hala ere, uste dut, gizonak, etxeko zereginak gizonen eta emakumeen artean egin behar direnaren jakitun direla; baina askoz ere erosoagoa da etxean ezer ez egitea edo “laguntza” pixka bat ematea. Badute azala!

Hortaz, arazo honen abiapuntua emakumeen seme-alaben heziketan ez delakoan nago, baizik eta semearen, hobeto esanda, gizonaren jarreran.

Ez dago aitzakiarik. Etxetik kanpo lan egiten dutelako aitzakiaz, ez dute etxean ezer egin nahi, baina, ezkerrak, gauzak aldatzen ari direla eta badira ere emakumeek (gero eta gehiago), etxetik kanpo lan egiten dutenak, beraz..... etxearen garbiketa, erosketak egin , otorduetarako zer prestatu erabaki, sukaldekoak egin, esate baterako, ez dira sexuen araberako banaketako kontua jadanik izango. Sexuen arteko egiazko parekotasunaren alde izan behar da bai etxean eta baita etxetik kanpo ere. Nik platerak ur berotan pasatuko ditut eta zuk kobreak eta letoiak distirarazi ditzakezu .